سياسة الطلب والدفع والإلغاء والاسترجاع

🧾 الطلب والاعتماد

تختار المواصفات وترفع ملفك، ويطلع لك السعر قبل ما تأكد الطلب.
الطلب ما يعتبر معتمد ولا يبدأ تنفيذه إلا بعد تأكيد الدفع من طرفنا.
بعد التحويل ارفع صورة الإيصال من صفحة متابعة الطلب، ونأكد الدفع بعد مراجعته وتتغير حالة طلبك.
الطلب اللي ما يتم دفعه خلال 24 ساعة يُلغى تلقائيًا، وتقدر تطلب من جديد في أي وقت.
الطلبات اللي تحتاج تسعير خاص (التصميم، الأختام، الكروت، الطلبات الكبيرة) نرسل لك السعر أولًا وتعتمده قبل التنفيذ.
تقدر تتابع حالة طلبك من الموقع برقم الطلب ورقم جوالك.

طرق الدفع: تحويل بنكي، STC Pay، وبرق.
الدفع عند الاستلام متاح لبعض الطلبات حسب نوع الطلب وقيمته، ويظهر لك في صفحة الطلب لو كان متاح.
الطلبات الكبيرة يكفي فيها دفع عربون نصف المبلغ على الأقل، والباقي عند الاستلام.
الأسعار بالريال السعودي، والأسعار المعروضة لا تشمل التصميم.

نبلغك أول ما يجهز طلبك، وتستلمه من المحل في أوقات العمل: السبت – الخميس من 10 صباحًا إلى 11 مساءً (الجمعة إجازة).
التوصيل متاح، وتكلفته حسب موقعك ونتفق عليها معك قبل التوصيل.
نرجو استلام الطلب في أقرب وقت بعد ما يجهز.

لأن كل طلب يُطبع خصيصًا حسب ملفك، ما يمكن استرجاع الطلب إذا كان مطابق للملف والمواصفات المطلوبة.
لو فيه خطأ من طرفنا (مقاس أو عدد أو تغليف مختلف عن طلبك، أو عيب في الطباعة)، بلّغنا خلال يومين من الاستلام على الواتساب مع صورة، ونراجع الطلب ونعالج المشكلة.
الأخطاء الموجودة في الملف نفسه (إملائية أو في المحتوى أو التنسيق) مسؤولية صاحب الملف، فراجع ملفك قبل الرفع.
ممكن يكون فيه فرق بسيط في الألوان بين الشاشة والورق، وهذا طبيعي في الطباعة.

عندك سؤال؟ كلمنا واتساب على 0595253779 · السجل التجاري: 7041781043

ارفع ملفك وشوف السعر فورًا